Министерот за здравство, Венко Филипче информираше дека Македонија аплицирала за вакцината против ковид-19 преку Ковакс механизмот и дека има пристап до соодветна количина за вакцинирање на населението.
„Се одлучивме тоа да биде 20 проценти според препораката на комитетот за имунизација, по две дози, тоа се 800.000 дози за кои веќе аплициравме. Вчера се одобри нашето количество таму. Првата вакцина која ќе стигне на пазарот ќе биде еднакво дистрибуирана меѓу сите земји-членки кои аплицирале преку Ковакс механизмот. Значи кога ќе ја добијат развиените земји тогаш ќе ја добиеме и ние“, рече Филипче.
