Утрово борбата со короната ја загуби Димитар Димитров Градевецот, еден од најпопуларните пејачи на македонски народни песни во соседна Бугарија. Тој соработуваше со голем број македонски пејачи, групи и композитори, а беше и чест гостин на македонските фолк фестивали. Ја негуваше македонската изворна народна песна, а сними и неколку преобработки од познати македонски новокомпонирани песни. Медиумите во Бугарија пишуваат за него како човек кој преку музиката ги поврзуваше двата соседни народи. Колеги од целиот Балкан се простуваат од него преку социјалните мрежи.
Бугарската ТВ Родина која емитува македонска музика, на овој начин се прости од познатиот пејач:
Почина тој, нашиот пријател и колега, еден од најдобрите изведувачи од македонски народни авторски песни – Димитар Димитров Градеветса. Изгубивме еден човек со големо срце! Богослужба ќе се одржи на 5 ноември 2020 годинаод 10:30 до 12:30 часот во Орфеј Хол Парк Македонија – Благоевград,
Ќе живее вечно во нашите срца !ТВ ” Родина”
