Заев: Нема повеќе одложување на пописот, Вмро бараше да биде во септември?! Е во септември ќе биде !!

На десетина дена пред официјалниот старт на пописот, премиерот Заев категоричен дека ново одложување на оваа статистичка операција нема да има.

Убеден е дека недостатокот од реонски попишувачи по продолжувањето на рокот за пријавување ќе биде пополнет, а во однос на моменталната епидемиолошка слика во земјава потенцираше дека уште на лидерската средба во април укажал на можноста од влошување на состојбата со Ковид-19 наесен, но по барање на опозицијата пописот бил одложен за месец септември.

И од Државниот завод за статистика за Канал 5 тврдат дека проблемот со недостаток на попишувачи веќе се надминува. Велат бројот на теренски инструктори е веќе пополнет, а по продолжувањето на повикот за реонски попишувачи, кој истекува за два дена, се пријавиле и дополнителни 1200 граѓани. И од статистика се уверени дека пописот ќе се спроведен непречено во предвидениот рок од 5 септември до 30 септември и дека засега не постои опција за негово повторно одложување.

Во меѓувреме, продолжува попишувањето на Македонците од дијаспората преку онлајн апликација, каде досега се евидентирале над 190.000 граѓани.

ОСТАВИ КОМЕНТАР

Please enter your comment!
Please enter your name here