Предавникот Ковачевски ќе лежи во затвор за тоа што и го прави на Македонија и на народот. Ваква утринска порака за будење испратија од опозициската ВМРО-ДПМНЕ во соопштение испратено до медиумите.
„Предавникот Ковачевски спротивно на волјата на народот го турка предлогот за бугаризација. Во тоа свое предавство сака да ги вовлече и пратениците од СДСМ кои во Собрание треба да ја гласаат информацијата. Предавникот Ковачевски игнорира народ кој секојдневно излегува на улица и кажува НЕ за ултиматум, НЕ за бугаризација.
Предавникот Ковачевски е подготвен да го жртвува јазикот, историјата и идентитетот.
Власта свесно ја понижува државата, и жртвата на народот во Втората светска војна и Илинденците, кога сме биле на вистинската страна на историјата. Ковачевски сака да ја ретушира историјата.
За ваквиот однос на предавникот Ковачевски кон државата и народот ќе има одговорност. Ковачевски треба да знае дека ќе одговара за сите злодела кои ги направил. Одговорност ќе има“, стои во соопштението на најголемата опозициска партија, испратена утрово до медиумите.
