Градоначалникот Саша Богдановиќ на својот Фејсбук-профил информира дека се воведени нови мерки за зголемена безбедност на граѓаните и спречување од дополнително ширење на вирусот Ковид-19, а една од нив е пакување на клупите со фолија.
-Денеска спроведовме акции за затворање и забрана за користење на јавната урбана опрема на територијата на Општина Центар. Клупите за седење ќе бидат покриени и заштитени. Со овие дополнителни мерки кои ги преземаме ќе го спречиме групирањето на повеќе лица на едно место и ќе влијаеме на зголемена безбедност од дополнително ширење на вирусот. Продолжуваме интензивно и наредните денови, потенцира Богдановиќ.
Тој додаде дека оваа мерка ќе биде активна додека траат мерките и препораките од Владата.
Да се надеваме дека општината, а и Град Скопје, вака ќе го „спакуваат“ и натрупаното ѓубрето кое е расеано околу контејнерите низ Скопје, за да не се групираат мачките и кучињата.
