Во последните децении, шведската влада се соочува со проблем со кој повеќето земји не ни замислиле дека еден ден може да го имаат. Земјата останала без ѓубре.
Звучи невозможно, но кога рециклирате ѓубре, а ги немате материјалите што другите треба да ги фрлат, наредна опција е увоз.
Каде оди шведското ѓубре? Се согорува и претвора во енергија на која Швеѓаните се греат. Тие ѓубрето го користат како замена за фосилно гориво.
Можеби поинтересното прашање, што многумина си го поставуваат, е: како стигнале до таквото ниво на свест?
Звучи скоро надреално, но не и нереално: каде што има волја, постои и начин.
Во процесот се вклучени властите на сите нивоа, а граѓаните се пресреќни кога поминуваат време во природа, па со тоа и ја прифатиле идејата што помага да се зачува таа природа.
Шведските домаќинства сами рециклираат дури 99% од својот отпад. Од 38% рециклирано ѓубре во 1975 година тие досега ја достигнале оваа неверојатна бројка, а сето тоа е дел од „револуцијата за рециклирање“ во Шведска.
И ете така, Швеѓаните си станале увозници на ѓубре, што патем најмногу го купуваат од Норвешка.
Шведска не е единствената земја што увезува ѓубре, тоа го прават и неколку европски земји како Германија и Холандија, но Шведска е предводник во оваа индустрија, иако вели дека начинот на кој го рециклира ѓубрето не е идеален, но се надеваат дека во иднина ќе најдат и подобри методи.
BRIF
