9.6 C
Ohrid
петок, април 26, 2024
ПочетнаМакедонијаМодуларната болница во Тетово кој изгоре во вчерашниот пожар имал проблеми уште...

Модуларната болница во Тетово кој изгоре во вчерашниот пожар имал проблеми уште од самата изградба

spot_imgspot_img

Од 15 април годинава, кога беше пуштена во употреба, до катастрофалниот пожар на 8 септември, кој однесе човечки животи, ковид-центарот во тетовската болница на двапати се најде во фокусот на јавноста поради наводни грешки при изградбата на модуларната болница и оштетување на системот за централен довод на кислород, пренесува Дојче Веле.

Најпрво, на денот на отворањето на модуларната болница, економскиот директор на Клиничката болница Тетово, Артан Етеми информираше дека се утврдени грешки при изградбата. Тој тогаш побара од фирмата изведувач да ги отстрани пропустите, иако претходниот ден имало примопредавање на објектот од страна на фирмата изведувач, Министерството за здравство и Клиничката болница.

Грешките биле мали и требало да се санираат во рок од пет дена.

„Забелешките се однесуваат на подот и уште неколку мали инфраструктурни грешки. Даден е рок за пет дена да се санираат грешките при изградба на модуларната болница. Струја и вода има. За системот за кислород сме во контакт со фирмата од каде ни рекоа дека за два-три дена може да се постави. Ако не излезат други проблеми, наредна недела се надеваме дека ќе се пушти во употреба“, изјави Етеми пред неполни пет месеци.

Во модуларната болница беа обезбедени места за 35 пациенти. Во моментот на трагедијата во средата, во неа биле сместени вкупно 24 пациенти.

Следниот инцидент се случи на 23 август, а беше пријавен од вработените во тетовската болница кои увиделе дека има оштетување на системот за централен довод на кислород низ објектите. За среќа, тогаш немаше последици по пациентите. Оштетени биле две споредни цевки кои носат кислород од централниот систем до првиот објект ургентно-дијагностичкиот центар, додека снабдувањето до Ковид-одделенијата одело непречено преку главната цевка.

„Изгледа имавме среќа сите 125 пациенти што ги имавме ги спасивме, бидејќи да имаше оштетување на главната цевка тоа ќе беше катастрофа и не би сакал да предвидам што би можело да се случи и што би можеле ние да направиме во тие моменти“, изјави д-р Гзим Нуредини, координатор во Ковид центарот на Клиничката болница.

„Со употреба на физичка сила биле оштетени две бакарни цевки со различна големина, односно капацитет. Едната цевка за компримиран воздух била скината, а втората за азотен оксидол била свиткана“, информираше портпаролот на тетовската полиција Марјан Јосифоски.

Една недела подоцна полицијата уапси 42-годишно лице од селото Желино како осомничен за оштетување на цевките во болницата. Нема информации за мотивот на осомничениот.

По трагедијата во болницата на 8 септември, сѐ уште е рано да се каже дали проблемите утврдени при отворањето на болницата или инцидентот со уништените цевки на кој било начин придонесле за катастрофалниот пожар.

Тендерот за изградба на 17 модуларни болници во земјава, меѓу нив и тетовската, минатата година ги доби велешката фирма „Брако“ заедно со валандовската „Ари и Том“. Преку заем од Светската банка, државата за таа намена им исплати 3,6 милиони евра.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Македонецот Бобан Илиоски е светски шампион во кик-бокс!

Македонецот Бобан Илиоски е светски шампион во кик-бокс! Илиоски, кој ја имаше титулата аматерски светски првак, во тежок меч во Скопје беше подобар од актуелниот...

Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата

Министерот за внатрешни работи Панче Тошковски денес оствари работна посета на Единицата за брзо распоредување и Единицата за обука и поддршка кои се сместени...

Сиљановска Давкова од Крушево: Крушевчани имаат на што да бидат горди, ќе покажам и ќе докажам дека сум тука поради граѓаните, не поради себе

Во своето обраќање пред граѓаните на Крушево, Сиљановска-Давкова порача: „Морам да кажам дека тука во Крушево има куќи кои се бисер на македонската архитектура,...

Пендаровски: Не мислам да бојкотирам туку да победам

Кандидатот на СДСМ за претседател на Македонија, Стево Пендаровски, по големиот пораз во средата, денеска ја продолжи кампањата со средба со жителите на Крушево. „Борбата...