Полициски службеник од Куманово бил повреден, откако во него удрил автомобил во Долно Којнаре. Возачот на возилото не запрел на дадениот знак, по што удрил и во друго возило кое било паркирано.
„Вчера во 23:30 часот било пријавено дека на локалниот пат Куманово – село Сопот, кај село Долно Којнаре кумановско, патничко возило удрило во полициски службеник кој вршел службени дејства, не застанувајќи на даден знак за запирање, откако претходно удрило во паркирано патничко возило „цитроен“, со кумановски регистарски ознаки, сопственост на Н.Л. од с. Долно Којнаре“, соопшти денеска кумановската полиција.
Полицаецот заработил тешки телесни повреди, кои биле констатирани во Општата болница во Куманово, а во моментов се работи на расчистување на случајот.
