Градоначалникот на Општина Карпош, Стевчо Јакимовски, го покажа цртежот што го изработи во дружба со децата при посетата на детската градинка Орце Николов.
На социјалните мрежи неговиот цртеж беше протолкуван како зграда и дека со тоа најавува нови дозволи за градба и бетонизација на Карпош.
Јакимовски на Фејсбук напиша дека неговиот цртеж претставувал обновена детска градинка.
„Мојот цртеж од вчера. Нова детска градинка, енергетски ефикасна со обновливи извори на енергија на покривот, детски игралишта и зеленило за среќни насмевки на сите дечиња во Карпош“, напиша тој.
