Антикорупциска комисија отвори предмет против Коста Петров, поранешниот директор на ФИТР.
Против Коста Петров, поранешниот директор на Фондот за иновации, Државната комисија за спречување на корупција отвори предмет во врска со доделените средства за издавачката куќа „Три“. Оваа издавачка куќа беше издавач на сите негови книги. Во ДКСК добиле анонимна дојава.
Претседателката на комисијата, Билјана Ивановска кусо ја потврди информацијата дека по анонимна пријава ДКСК отворила предмет против Петров. Сепак, вели таа допрва ќе треба да се испита дали постои судир на интереси со оглед на фактот дека оваа издавачка куќа ги печатела сите досегашни книги на Петров. И пред и после неговата функција во власта, пишува 24. Петров за повеќе медиуми веќе објасни дека ниту донел одлука за финансирање, ниту склучил договор.
