„Самиот предлог предизвика многу контроверзии и на крајот проблемот со него е што е прилично нејасен. Се зборува за бугарско-македонски протокол, кој не знаеме дали постои или не. Проблемот е што доаѓа премногу доцна и мислам дека беше грешка од страна на Франција што ја стави оваа ситуација на Бугарија токму во овој момент“, вели бугарскиот историчар Светослав Живков за последниот предлог на француското претседателство со ЕУ.
Според него, францускиот предлог не е на штета на бугарскиот национален интерес.
„Тоа е потврдено како легитимен бугарско-македонски договор и до одреден степен ЕУ делува како гарант или барем мониторинг тело“, изјавил Живков за „Bulgaria ON AIR“.
„Многу е значајно што круговите во Северна Македонија кои се против воспоставување добри односи со Бугарија, како што е ВМРО-ДПМНЕ, реагираа крајно негативно на овој предлог. Тоа барем може да не одведе во насока дека документот не е толку лош“, смета историчарот.
Според Живков, споровите со РСМ е политички.
„Историската комисија е експертска комисија. Во Бугарија постои лоша практика кога треба да се донесат тешки одлуки, да се префрла топката на експерти. Оваа комисија не може да носи политички одлуки, нашите спорови се политички. Тие може да изгледаат на прв поглед. историски, но во основа се политички“, коментира историчарот.
