Претставниците на НАТО денеска ќе одржат итен состанок на барање на Полска откако две лица загинаа во експлозија предизвиканаа од залутани ракети во селото Пржеводов, на само 6 километри од границата со Украина.
Според првичните разузнавачки извори од САД, ракетата била истрелана од Русија, а НАТО ќе испитува дали се работи за руска ракета, што доколку се потврди ќе се смета за напад врз НАТО.
Светските лидери кои во моментов се на Бали каде се одржува самит на Г20 се состанаа по падот на проектили во Полска.Претседателката на ЕК Фон Дер Лајен по состанокот објави соопштение во кое се осудуваат „вчерашните варварските ракетни напади што русија ги изврши врз украинските градови и цивилната инфраструктура “
Претседателот на САД Џо Бајден, рече дека истрагата е поддржана од сите партнери.
И Македонските власти изразиja загриженост и порачаа дека земјава е во консултација со сојузниците во НАТО и будно ја следи ситуацијата.
Инаку Русија демантира дека извршила напад врз Полска, која е членка на НАТО и инцидентот во Полска го квкалификува како обид да се предизвика директен воен конфликт меѓу НАТО и Русија, додека Украина го тврди спротивното. Експлозијата се случи откако Русија вчера изврши серија напади врз Украина со проектили, напади за кои Киев рече дека се најтешкиот бран во текот на руската инвазија
