Ако некогаш се најде на црната листа на САД, премиерот Димитар Ковачевски ќе си даде оставка и тоа ќе го смета за најголем пораз во кариерата.
Запрашан за став во врска со одлуката на Стејт департментот да го стави струшкиот градоначалник Рамиз Мерко на црната листа за влез во САД поради сомнение дека вршел притисок врз донесување на судски одлуки, премиерот Димитар Ковачевски порача дека само тој одговара на ова прашање, и им посочи на новинарите дека треба да прашаат и други функционери освен него.
<
„Јас да се најдам на црната листа, не само што ќе си дадам оставка туку тоа ќе го сметам за најголем пораз во мојата кариера“, вели Ковачевски.
