10 C
Ohrid
четврток, октомври 22, 2020
Почетна Свет Ердоган се закани- Грците излажаа со ветувањата -затоа ќе им вратиме

Ердоган се закани- Грците излажаа со ветувањата -затоа ќе им вратиме

Translate (Eng):[gtranslate]

Турскиот претседател Реџеп Таип Ердоган денеска ги обвини Грција и Кипар дека не ги исполниле ветувањата кои ги дале за време на преговорите со Европската унија и НАТО, па поради тоа Турција ќе возврати на соодветен начин.

Пред само неколку дена турските власти наредија враќање на истражувачкиот брод „Оруч Реис“ во спорната територија во близина на грчките острови.

Турските медиуми пренесуваат дека деновиве грчки воени бродови го надгледуваат турскиот истражувачки брод.

РЕКЛАМА

„Нашиот „Оруч Реис“ се врати на должност во Медитеранот. Ќе продолжиме на Грција да ѝ даваме одговор на терен, таков каков што заслужува, како и кипарската администрација од грчката страна. Тие не ги исполнија своите ветувања кои ги дадоа пред НАТО и Европската унија“, изјави Ердоган.

Турскиот претседател не прецизираше за какви ветувања станува збор, но турските власти ги обвинија своите грчки колеги дека направиле низа на провокации во скоро време.

Хајко Мас, министерот за надворешни работи на Германија, кој е посредник во преговорите помеѓу Атина и Анкара, ја критикуваше Турција поради преземање на „унилатерални чекори“ во источниот Медитеран кои ги поткопуваат напорите да се олеснат тензиите.

- Реклами -