Вечерва е пукано од калашников во автобус кај Глоѓане,на Косово, а според последните информации загинале четири лица.
Според Коха, на лице место загинале возачот и кондуктерот на автобусот, како и две помлади лица, родени 2003 и 2004 година.
Како што дознава Курир, причина за трагедијата е одмазда. Имено, еден од патниците бил исфрлен од возачот и кондуктерот на автобусот бидејќи ги малтретирал девојките. Потоа земал калашников, го чекал автобусот и испукал рафал.
Досега се идентификувани три убиени лица и тоа возачот Гани Ѓокај и учениците од селото Глоѓана Љ.Х.(19) и Г.М.(17).
Убиецот е во бегство, а полицијата интензивно трага по него.
