Вечерва во Штип започна 37-то издание на реномираниот фестивал на забавна музика ,,Макфест 2022”. Со многу новитети, песни во енергичен ритам, наместо препознатливите балади, црвен тепих и ветувања за хитови кои ќе ги донесе манифестацијата, уште една измена во фестот е и тоа што ќе има дури пет водители.
Маријана Стојановска, која пред повеќе години дојде на местото на Вера Јанковиќ и Димитар Атанасовски се најавени како главни водители, а презентери ќе бидат Лила Филиповска, Миланка Рашиќ и Јана Бурческа.
И ракометарот Борко Ристовски се појави во улогата на презентер.
Годинава уметнички директор на ,,Макфест” е музичарот Роберт Саздов. За настанот се обезбедени околу 100 илјади евра, од Општина Штип и од спонзори.
Вечерва настапија релативно нови музички имиња, додека пак утре настап ќе имаат Тамара, Ламбе, Лоба, Андреа, Виктор и други.
Покрај многубројните изведувачи, на црвениот тепих зачекорија и многу познати и звучни имиња од Македонија, а еден од нив беше и добро познатиот доктор и критичар Д-р Вело Марковски.
Маркоски на фестивалот се појави со неговата згодна сопруга Евгенија Маркоска која на јавноста и е позната по учеството на многу видео спотови.
Евгенија е поранешна манекена, но поради улогата МАЈКА за жал ја остави таа професија позади себе и му се посвети на семејството и на нејзиниот сакан Д-р Вело Марковски.
