Група Македонци од Австралија собра финансиска помош за црквата “Св Злата Мегленска”, С’ботско, Егејска Македонија со која раководи Архимандрит Никодим Царкњас.
,,Испративме 13. 400 австралиски долари за да се купат кандилата на храмот. Храмот ќе се осветува на денот на Св Злата Мегленска во октомври оваа година. Во книшката имаме донација и за Пиринска Македонија и мала сума за црквата кои ќе ги испратиме покасно.
Голема благодарност до сите Македонци кои подарија пари, благодарност и до сите учесници кои се залагаа да помогнат.
Активностите продолжуваа и понатака за помош на Македонците во Албанија”, пишува во објавата во која се упатува благодарност за сите Македонци на седмиот континент кои преку Одборот за помош на Македонците во соседните држави испраќаат помош.
