8 C
Ohrid
петок, декември 13, 2019
Почетна Австралија ТАНЕЦ ЌЕ НАСТАПИ ВО ЕДНА ОД НАЈУБАВИТЕ КОНЦЕРТНИ САЛИ ВО МЕЛБУРН

ТАНЕЦ ЌЕ НАСТАПИ ВО ЕДНА ОД НАЈУБАВИТЕ КОНЦЕРТНИ САЛИ ВО МЕЛБУРН

Translate (Eng):[gtranslate]

На 17 ноември во 19:30 часот, ансамблот Танец ќе одржи целовечерен концерт во прекрасната сала „Елизабет Мардок“ (Elisabeth Murdoch) во модерното здание „Melbourne Recital Centre“.

Интимната и акустично извонредна сала „Елизабет Мардок“ се одликува со исклучителен архитектонски дизајн и технички услови од светската класа. Правена е по углед на европските концертни сали, а просторот е обложен со дрвени панели донесени од австралиските плантажи на борови, така дизајниран да може да резонира како корпусите на инструментите и да обезбеди поголема акустичка интимност во аудиториумот. Поставеноста на бината, карактеристичните балкони и сите други елементи и нивоа на објектот, придонесуваат кон збогатување на моќноста на звукот, чистината на тонот, но даваат и можност за одличната комуникација помеѓу изведувачите на сцената.

РЕКЛАМА

Салата „Елизабет Мардок“ е одличен спој на класичноста и прогресивноста, совршено место со капацитет од 1000 места за врвни уметнички изведби на мали и средно големи камерни ансамбли, на солистички концерти, како и сцена за грандиозни спектакли на цели оркестри, хорски дела и големи музичко-сценски состави.

Уметниците на Танец веќе ја посетија салата и нема сомнеж дека во недела ќе блеснат во полн сјај во овој прекрасен простор и ќе му вдахнат нова енергија. Можете ли да си замислите како ќе одекне “Тешкото” во овој совршен акустичен простор?

Превземено од INTV Australia

 

- Реклами -