Премиерот и лидер на СДСМ, Димитар Ковачевски заедно со највисоките партиски функионери, го прославија 31-от роденден на партијата во нејзиното седиште на „Бихаќка“.
Според Ковачевски, роденденот бил одбележан скромно, со свечена седница на Централниот одбор, дружба и торта.
-СДСМ е синоним за државотворна, одговорна, посветена и модерна партија. СДСМ е чуварот на сегашноста, гарантор на стабилноста, напредокот и иднината. Речиси и да немаше години на мирно море за СДСМ. Но, сепак, покрај се’ успевавме. Бевме разум кога други потпалуваа тензии, водевме напред кога други влечеа назад, обединувавме кога други делеа. Така беше, така е и сега. Како што нашите предци во НОБ биле на вистинската страна, СДСМ била и се уште е на вистинската страна, рекол Ковачевски во својот говор пред присутните сопартијци.,
Ковачевски потенцирал дека е подготвен да ја води партијата „во нови изборни победи за СДСМ и за Република Северна Македонија“.
-И ве уверувам дека СДСМ по минатите локални избори повторно ќе биде победничка партија на изборите во 2024 година. Да живее Социјалдемократскиот сојуз на Македонија!“ порачал лидерот на СДСМ.
