Македонската натпреварувачка на Зимските олимписки игри, Ана Цветановска го имаше својот прв настап на големото натпреварување, таа заврши на 95. место.
Цветановска се натпреваруваше на крос кантри трката на 10 километри. Делницата ја мина за време од 39:57.07 минути. Го освои 95. место од 98 учесници.
Златниот медал го освои Норвежанката Тересе Јохауг со време од 28:06.03 минути, пред Керту Нисканен и Криста Пармакоски од Финска.
Претходно Цветановска требаше да настапи и на трката 7,5 + 7,5 км во скијатлон. Но поради ситуацијата со ковид-19, организаторот реши да го намали бројот на ученици, па македонската спортистка отпадна.
