Последните денови Сплит е во центарот на вниманието поради недоличното однесување на некои туристи, а од денеска таму се одржува и музичкиот фестивал „Ултра Европа“, кој трае до недела. Поради сето ова, градот Сплит постави табли на кои посетителите на фестивалот се информираат како треба да се однесуваат.
На таблата е забележано дека е забрането консумирање алкохол во јавност, дека во бикини и без кошула може да се биде само на плажа, дека треба да внимаваат да не бидат премногу гласни и да користат тоалет, а не градските ѕидини. Посетителите се предупредуваат и на казни до 300 евра.
И покрај се, на социјалните мрежи се појави видео на кое полицијата од автомобил гласно им кажува на голите туристи кои шетаат низ улиците да ги облечат кошулите. На видеото пишува дека е снимено во четири часот наутро, пренесува 24сата.хр.
„Таков е законот во сите држави. Нека се обидат да шетаат полуголи во својата земја“, е еден од коментарите.ВИДЕО ТУКА
