12 C
Ohrid
понеделник, април 6, 2020
Почетна Забава Мечето Ушко јунакот и среќата на нашето детство...

Мечето Ушко јунакот и среќата на нашето детство…

Translate (Eng):[gtranslate]

Мечето Ушко е еден од најомилените ликови во Полска (и не само во Полска), бидејќи за генерациите што растеа во 60-ите, 70-ите и 80-ите години на минатиот век, тој беше важен дел од сеќавањата на детството, дел од колективната, неретко идеализирана меморија. Освен во книгите и во списанието за деца „Мече“ (Miś), неговите доживувања се присутни во анимираната серија за деца, играниот анимиран филм и во документарен филм. Неговиот статус во Полска е култен.

Првото појавување на Ушко е во комичното списание за деца, „Miś“, на 6 март 1957 година . Подоцна стануваглавен лик на неколку детски книги, преведени на повеќе јазици. Својата најголема популарност ја стекнало во 1975 година, кога Студиото за мали филмски форми, СЕ-МА-ФОР од Лоѓ, ја создало анимираната серија за Полската радио-телевизија.

Во рамките на некогашна СФРЈ се чини дека серијата најголема популарност доживеа токму во Македонија. Генерации деца со нетрпение ја чекаа секоја нова епизода, емитувана во терминот пред вториот Дневник. Серијата започнала да се емитува речиси во исто време како во Полска. Не се знае точниот број на откупени епизоди. „Мечето Ушко“ се емитуваше на Телевизија Скопје, која по осамостојувањето на Македонија се преименува во Македонска радио телевизија. Македонската синхронизација на ликовите му беше доверена на извонредниот Борис Мајсторов, кој му даде еден особен момент на овој лик, па така многу генерации се сеќаваат на Мечето Ушко токму по гласот на Борис Мајсторов.

РЕКЛАМА
- Реклами -