Еден од најсмртоносните снајперисти во светот ќе им се придружи на борбите во Украина, откако одговори на повикот од украинскиот претседател Володимир Зеленски.
Канадскиот стрелец, познат по прекарот Вали (Wali) , доаѓа од елитниот 22 кралски канадски полк и има претходно борбено искуство во Кандахар во текот на војната во Авганистан, меѓу 2008 и 2011 година, пренесе Daily Mail.
По тоа, 40-годишниот снајперист самоиницијативно отпатува во Ирак во 2015 година за да помогне во борбата против Исламска држава. Во јуни, 2017 година еден од неговите соборци наводно убил припадник на ИСИС од неверојатна оддалеченост од дури 3.450 метри.
Украинскиот претседател Володимир Зеленски упати барање и апелираше до припадниците на вооружените сили на меѓународната заедница да одат во источна Европа и да се придружат на воените напори.
Canadian sniper and others “soldiers” head to Ukraine and support resistance. pic.twitter.com/v97jqiwH90
— Kyle Bryan (@KyleBryan) March 5, 2022
Вали, кој дома остави сопруга и едногодишен син, е повикан да се придружи на украинските доброволци. Минатата недела работел како компјутерски програмер во Канада, а сега се подготвува да се бори против руските војници на локации во Украина, оддалечена скоро 8.000 км.
„Работев како програмер пред само една недела. Сега изнесувам противтенковски проектили од складиште за да убивам луѓе. Моментално, тоа е мојата реалност“, изјави Вали за CBC News.
Вали е пречекан со прегратки од локалните жители откако на 4 март пристигна во Украина, заедно со тројца поранешни канадски војници.
⚡️The most famous sniper "Wali" has arrived in #Ukraine to fight against occupiers
The average productivity of sniper is 7 men a day. On the front type like Ukrainian, productivity can reach up to 10. "Vali" can provide up to 40 deaths per day. pic.twitter.com/XDOibKxiQq
— NEXTA (@nexta_tv) March 10, 2022
