Прилепчанката Билјана Јуруковска ја доби трето ноемвриската награда на град Прилеп.
Билјана веќе дваесет години живее со семејството во Австралија. Таа е сопруга и мајка на две деца а повеќе години работи како извршен директор на домови за нега на постари лица.
Од 2014 година почнува да се занимава со аматерска фотографија како хоби , и не ни помислува дека ова хоби ќе ја однесе на многу необични места низ светот и ќе и донесе повеќе награди , признанија како и изложби на фотографии низ повеќе светски центри.
Инспирација и е светски познатиот фотограф Џими Џими Нелсон, кога за прв пат во 2014 година го видела неговото списание силен впечаток и остава фтотграфија на африкански домородец од племето Мурси кој бил сликан со рогови од диво животно и калашников . Ова било толкава инспирација што купила фото апарат и почнала да слика. Набрзи ги посетила најизолираните места во Африка и ги регистрирала ретките домородни племиња низ Етиопија и Ангола.
Одтогаш па се доденес фотрографиите на Билјана се барани и изложени низ повеќе светски центри ширум светот. Билјана се гордее со родниот град Прилеп и родната земја Република Македонија а градот Прилеп оваа година и се оддолжи со престижната трето ноемвриска награда.
