18.9 C
Ohrid
вторник, јули 23, 2024
ПочетнаМакедонијаИсчезнатиот Мартин од Скопје ќе го бараат со подводен дрон, мајката и...

Исчезнатиот Мартин од Скопје ќе го бараат со подводен дрон, мајката и братот на пат од САД кон Халкидики.

Мајката и братот на 28-годишниот Мартин од Македонија патуваат од Америка каде живеат за да учествуваат во големата акција за пронаоѓање на младиот човек, пишува грчкиот весник Прототема. Мартин и понатаму се води како исчезнат во морето, како што изјави за prototema.gr претседателот на спасувачите волонтери, Христос Рамос.

28-годишникот беше однесен од морските струи кога заедно со двајцата спасени другари сакале да пливаат и покрај лошите временски услови, на познатата плажа „Мити“ во Посеиди, Халкидики.

Младиот човек, по спасувањето на 30-годишниот Иван, е единствениот од групата кој и понатаму се води како исчезнат, а властите и волонтерите се борат со невремето. Сите се надеваат на „чудо“ за спас на животот на 28-годишникот кој се води како исчезнат речиси 24 часа.

Работата на екипите за пребарување и спасување ја отежнуваат силните ветришта што од рано утрово дуваат во областа. „Има многу силен ветер, поради што чамците кои излегоа на море, дури и крајбрежната стража не може да работи. Засега истражуваме со пешачки делници и чекаме да видиме како ќе се развиваат временските прилики“, велат од спасувачките служби за Прототема.

Како што соопшти Христос Рамос, штом се подобрат временските услови, се очекува спасувачите да фрлат подводен дрон во водата што значително ќе помогне во потрагата.

Според последните официјални информации, во реонот се активни патролен чамец на крајбрежната стража и две крајбрежни пловила, додека хеликоптерот на воздухопловните сили пред малку ја заврши потрагата што ја вршеше од рано наутро.

Вчера од водите на Егејското море беше спасен 30-годишниот Иван кој успеа да преживее 18 часа во вода, држејќи се за топка.

Во саботата два часа по исчезнувањето спасувачките служби го спасија 25 годишниот Васил кого го забележал сурфер и повикал помош. (Р.Н.)

spot_imgspot_img
spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Левица: Тежок криминал во „Кромберг и Шуберт”- Врз грбот на работниците

​​​​Неколку дена во фабриката „Кромберг и Шуберт” е присутна финансиска полиција поради сомневање за проневера на милионски суми. Криминалниот ланец помеѓу управата во најпрофитабилниот...

На 26-07 во петок, свечено отварања на eтно Ресторанот и вила Бате Боле во село Лешани !!

Во срцето на општина Дебрца, поточно во село Лешани во петок на 26 јули во 19:00 часот  се отвора етно ресторан Бате Боле. Побегнете...

Чавков, Јане Ченто и други осудени за 27-ми април излегуваат од затвор на 30 дена

Осуденици за случајот 27 април се повикале на Членот 225 од Законот за извршување на санкциите, чиишто измени беа изгласани кон крајот на месец...

Директор д-р Асен Шајн ја предаде должоста на новиот В.Д. Директор д-р Горан Маркоски, со желби за понатамошен успех и континуитет во работата.

Примопредавање на функцијата директор на ЈЗУ Општа болница Охрид Денеска во просториите на административната зграда при ЈЗУ Општа болница Охрид, во пријатна работна...