Србија испадна од Светското првенство (СП) во Катар, откако по три меча освои само еден бод, а синоќа запиша болен пораз од Швајцарија со 2-3, но натпреварот го одбележаа и многу турканици, провокации и пцовки.
Една од нив испрати селекторот на Србите, Драган Стојковиќ – Пикси по голот на Душан Влаховиќ за пресврт на Србија (2-1), а истата била наменета за швајцарските фудбалери со албанско потекло, Џердан Шаќири и Гранит Џака.
Медиумите од Балканот објавија дека пцовката била наменета токму за нив двајца поради претходните провокации во првото полувреме, а на видеото може јасно да се прочитаат зборовите од усните на Пикси додека ги изговара.
